Zakariya 4

Nake mũraika ũcio waaragia na niĩ agĩcoka na akĩnjũkĩria, ta ũrĩa mũndũ okĩragio kuuma toro

Agĩcoka akĩnjũria atĩrĩ: “Nĩ kĩĩ ũrona?”

Na kũrigania naguo kũrĩ na mĩtĩ ĩĩrĩ ya mĩtamaiyũ, ũmwe mwena wa ũrĩo wa mbakũri ĩyo na ũcio ũngĩ mwena wa ũmotho.”

Ngĩcoka ngĩũria mũraika ũcio waaragia na niĩ atĩrĩ: “Mwathi wakwa, indo ici irũgamĩrĩire kĩĩ?”

Nake mũraika ũcio waaragia na niĩ akĩnjũria atĩrĩ: “Kaĩ ũtoĩ kĩrĩa indo icio irũgamĩrĩire?” Na niĩ ngĩmũcokeria ngĩmwĩra: “Aca, ndiũĩ mwathi wakwa.”

Agĩcoka akĩnjĩra ũũ: “Gĩkĩ nĩkĩo kiugo kĩa Yahweh kũrĩ Zerubabeli: ‘“Ti kũgerera mbũtũ ya mbaara, kana kũgerera hinya, no nĩ kũgerera roho wakwa,” ũguo nĩguo Yahweh mũnene wa ita ekuuga

Wee nĩwe ũ, kĩrĩma gĩkĩ kĩnene? Ũgaatuĩka kũndũ kwaraganu ũrĩ mbere ya Zerubabeli. Nake nĩ akaarehe ihiga rĩa kũigĩrĩrũo igũrũ gũkĩanagĩrĩrũo ũũ: “Kaĩ nĩ rĩthaka-ĩ! Kaĩ nĩ rĩthaka-ĩ!”’”

Kiugo kĩa Yahweh gĩkĩnginyĩra o rĩngĩ ngĩrũo atĩrĩ:

“Moko ma Zerubabeli nĩ makĩte mũthingi wa nyũmba ĩno, na moko make mwene nĩ makaamĩrĩkia. Na nĩ mũkaamenya atĩ Yahweh mũnene wa ita nĩwe ũndũmĩte kũrĩ inyuĩ

Tondũ rĩrĩ, nũũ ũnyararĩte mũthenya wa kĩambĩrĩria kĩnini? Nĩ gũkorũo nĩ magaakena na mone kabirũ guoko-inĩ kwa Zerubabeli. Maya mũgwanja nĩ maitho ma Yahweh, marĩa morũraga kũndũ guothe thĩinĩ wa thĩ.”

Ngĩcoka ngĩmũũria atĩrĩ: “Mĩtĩ ĩno ĩĩrĩ ya mĩtamaiyũ ĩrĩ mwena wa ũrĩo na wa ũmotho wa mũtĩ wa kũigĩrĩrũo matawa ĩrũgamĩrĩire kĩĩ?”

Ngĩmũũria riita rĩa kerĩ atĩrĩ: “Honge icio cia mĩtĩ ĩyo ĩĩrĩ ya mĩtamaiyũ iria iraitĩrĩra maguta ma thahabu kũgerera mĩberethi ĩyo ĩĩrĩ ya thahabu irũgamĩrĩire kĩĩ?”

Nake akĩnjũria atĩrĩ: “Kaĩ ũtoĩ kĩrĩa indo icio irũgamĩrĩire?” Na niĩ ngĩmũcokeria ngĩmwĩra: “Aca, ndiũĩ mwathi wakwa.”

Nake akĩnjĩra atĩrĩ: “Indo icio irũgamĩrĩire arĩa erĩ aitĩrĩrie maguta, o acio marũgamĩte mwena-inĩ wa Mwathi wa thĩ yothe.”