Isaiya 12
1
Mũthenya ũcio nĩ ũkoiga ũũ: “Nĩ ndagũkumia, wee Yahweh, Tondũ o na gũtuĩka nĩ wandakarĩire, Marakara maku nĩ mathiĩte makĩnyihaga, na nĩ ũnyũmĩrĩirie.
2
Na rĩrĩ, El nĩwe ũhonokio wakwa. Nĩ ngũmwĩhoka na ndigwĩtigĩra; Nĩ gũkorũo Yahu, o we Yahweh nĩwe hinya na ũhoti wakwa, Na nĩwe ũtuĩkĩte ũhonokio wakwa.”
3
Mũgaatahaga maĩ mũkenete Kuuma matherũkĩro-inĩ ma ũhonokio.
4
Na mũthenya ũcio nĩ mũkoiga atĩrĩ: “Kumiai Yahweh, kaĩrai rĩĩtwa rĩake, Menyithaniai mawĩko make kũrĩ ikundi cia andũ! Gwetai mũmenyithanie atĩ rĩĩtwa rĩake nĩ rĩtũũgĩru.
5
Inĩrai Yahweh, tondũ nĩ ekĩte maũndũ ma magegania. Ũndũ ũyũ nĩ ũĩkaine thĩ yothe.
6
Anĩrĩra na ũgũthũke, wee mũikari wa Zayuni, Nĩ gũkorũo Ũrĩa Mwamũre wa Isiraeli, o ũcio ũrĩ gatagatĩ-inĩ gaku, nĩ mũnene.”