Jeremiya 45

Gĩkĩ nĩkĩo kiugo kĩrĩa Jeremiya ũrĩa mũnabii eerire Baruku mũrũ wa Neria hĩndĩ ĩrĩa aandĩkire ibuku-inĩ ciugo iria eeragwo ũrĩa ekwandĩka nĩ Jeremiya mwaka-inĩ wa kana wa Jehoiakimu mũrũ wa Josia, mũthamaki wa Yahuda:

“Ũũ nĩguo Yahweh Kĩhoti wa Isiraeli ekuuga igũrũ rĩaku wee Baruku,

‘Uugĩte atĩrĩ: “Kaĩ ndĩ na haaro-ĩ, nĩ gũkorũo Yahweh nĩ ongereire kĩeha harĩ ruo rwakwa! Nĩ nogetio nĩ gũcaya gwakwa, na ndionete handũ ha kũhurũka.”’

“Mwĩre atĩrĩ, ‘Ũũ nĩguo Yahweh oigĩte: “Taine! Kĩrĩa njakĩte nĩ ngũkĩmomora, na kĩrĩa handĩte nĩ ngũkĩmunya bũrũri-inĩ wothe

No wee nĩ ũrecarĩria maũndũ manene. Tiga gũcaria maũndũ ta macio.”’ “‘Nĩ gũkorũo ndĩ hakuhĩ kũrehera andũ othe thĩna,’ ũguo nĩguo Yahweh ekuuga, ‘na kũrĩa guothe ũgaathiĩ, nĩ ngaakũhe muoyo waku ta arĩ kũũtaha ũũtahĩte.’”