Joshua 12

Na rĩrĩ, aya nĩo athamaki a bũrũri arĩa ciana cia Isiraeli ciatooririe, na ikĩĩgwatĩra bũrũri wao mwena wa irathĩro wa Jorodani, kuuma Mũkuru-inĩ wa Arinoni kwambata nginya Kĩrĩma-inĩ kĩa Herimoni o hamwe na Araba guothe mwena wa irathĩro:

Mũthamaki Sihoni wa Aamori, ũrĩa waikaraga Heshiboni na aathamakaga kuuma Aroeru, ĩrĩa yarĩ mũthia-inĩ wa Mũkuru wa Arinoni, na kuuma gatagatĩ ka mũkuru ũcio, na nuthu ya Gileadi o nginya Mũkuru-inĩ wa Jaboku, mũhaka-inĩ wa Aamoni

Ningĩ nĩ aathamakaga Araba gũthiĩ nginya Iria-inĩ rĩa Kinerethu mwena wa irathĩro na gũthiĩ nginya Iria-inĩ rĩa Araba, o rĩo Iria rĩa Cumbĩ, mwena wa irathĩro kwerekera Bethi-jeshimothu, na mwena wa mũhuro kĩanda wa iharũrũka cia Pisiga.

O na ningĩ gĩcigo kĩa Mũthamaki Ogu wa Bashani, ũrĩa warĩ ũmwe wa Arefai arĩa maarĩ a mũico na aaikaraga Ashiterothu na Edirei 5 na aathamakaga Kĩrĩma-inĩ kĩa Herimoni, thĩinĩ wa Saleka, na Bashani guothe, gũthiĩ nginya mũhaka-inĩ wa Ageshuru na Amaakathi, na nuthu ya Gileadi, o nginya gĩcigo-inĩ gĩa Mũthamaki Sihoni wa Heshiboni.

na aathamakaga Kĩrĩma-inĩ kĩa Herimoni, thĩinĩ wa Saleka, na Bashani guothe, gũthiĩ nginya mũhaka-inĩ wa Ageshuru na Amaakathi, na nuthu ya Gileadi, o nginya gĩcigo-inĩ gĩa Mũthamaki Sihoni wa Heshiboni.

Musa ndungata ya Yahweh hamwe na ciana cia Isiraeli magĩkĩmahoota, na thutha ũcio Musa ndungata ya Yahweh akĩheana bũrũri wao ũtuĩke igai kũrĩ Arubeni, Agadi, na nuthu ya mũhĩrĩga wa Manase.

Aya nĩo athamaki a bũrũri arĩa Joshua hamwe na ciana cia Isiraeli maatooririe mwena wa ithũĩro rĩa Jorodani, kuuma Baali-gadi Mũkuru-inĩ wa Lebanoni o nginya Kĩrĩma-inĩ kĩa Halaki, kĩrĩa kĩambatĩte o nginya Seiru, na thutha ũcio Joshua akĩheana bũrũri wao kũrĩ mĩhĩrĩga ya Isiraeli nĩguo mawĩgwatĩre kũringana na igai rĩao,

thĩinĩ wa gĩcigo kĩrĩa kĩrĩ irĩma, thĩinĩ wa Shefela, thĩinĩ wa Araba, iharũrũka-inĩ, werũ-inĩ, na Negebu—bũrũri wa Ahiti, Aamori, Akanaani, Aperizi, Ahivi, na Ajebusi:

Mũthamaki wa Jeriko, ũmwe; mũthamaki wa Ai, itũũra rĩrĩa rĩarigainie na Betheli, ũmwe;

mũthamaki wa Jerusalemu, ũmwe; mũthamaki wa Hebironi, ũmwe;

mũthamaki wa Jaramuthu, ũmwe; mũthamaki wa Lakishi, ũmwe;

mũthamaki wa Egiloni, ũmwe; mũthamaki wa Gezeri, ũmwe;

mũthamaki wa Debiri, ũmwe; mũthamaki wa Gederi, ũmwe;

mũthamaki wa Horoma, ũmwe; mũthamaki wa Aradi, ũmwe;

mũthamaki wa Libina, ũmwe; mũthamaki wa Adulamu, ũmwe;

mũthamaki wa Makeda, ũmwe; mũthamaki wa Betheli, ũmwe;

mũthamaki wa Tapua, ũmwe; mũthamaki wa Heferi, ũmwe;

mũthamaki wa Afeku, ũmwe; mũthamaki wa Lasharoni, ũmwe;

mũthamaki wa Madoni, ũmwe; mũthamaki wa Hazoru, ũmwe;

mũthamaki wa Shimuroni-meroni, ũmwe; mũthamaki wa Akishafu, ũmwe;

mũthamaki wa Taanaka, ũmwe; mũthamaki wa Megido, ũmwe;

mũthamaki wa Kedeshi, ũmwe; mũthamaki wa Jokineamu thĩinĩ wa Karimeli, ũmwe;

mũthamaki wa Doru iharũrũka-inĩ cia Doru, ũmwe; mũthamaki wa Goimu thĩinĩ wa Giligali, ũmwe;

mũthamaki wa Tiriza, ũmwe; othe maarĩ athamaki 31.