Joshua 19

Naguo mũtĩ wa kerĩ ũkĩgwĩra Simeoni, harĩ mũhĩrĩga wa Simeoni kũringana na mbarĩ ciao. Na igai rĩao rĩarĩ gatagatĩ-inĩ ka igai rĩa Yahuda

Igai rĩao rĩarĩ Biri-shiba hamwe na Sheba, Molada,

Hazaru-shuali, Bala, Ezemu,

Elitoladi, Bethulu, Horoma,

Zikilagi, Bethi-marikabothu, Hazaru-susa,

Bethi-lebaothu, na Sharuheni—matũũra 13 na icagi ciamo;

Aini, Rimoni, Etheri, na Ashani—matũũra mana na icagi ciamo;

hamwe na icagi ciothe iria ciathiũrũrũkĩirie matũũra macio o nginya Baalathu-biri, Rama ya mwena wa mũhuro. Rĩu nĩrĩo rĩarĩ igai rĩa mũhĩrĩga wa Simeoni kũringana na mbarĩ ciao

Igai rĩa njiarũa cia Simeoni rĩarutirũo kuuma harĩ gĩcigo kĩa Yahuda, tondũ gĩcunjĩ kĩa Yahuda kĩarĩ kĩnene mũno harĩ o. Nĩ ũndũ ũcio njiarũa cia Simeoni ikĩĩgwatĩra igai gatagatĩ-inĩ ka igai rĩao.

Naguo mũtĩ wa gatatũ ũkĩgwĩra njiarũa cia Zebuluni kũringana na mbarĩ ciao, na mũhaka wa igai rĩao wathiĩte o nginya Saridi

Mũhaka wao wathiĩte werekeire ithũĩro nginya Mareala na ũgakinya Dabeshethu ũgacoka ũgathiĩ mũkuru-inĩ ũrĩa ũng’etheire Jokineamu

Ũgacoka ũkoima Saridi ũgathiĩ werekeire irathĩro mwena ũrĩa riũa rĩrathagĩra, o nginya mũhaka-inĩ wa Kisilothu-taboru na ũgathiĩ Daberathu ũgacoka ũkambata nginya Jafia

Na kuuma kũu wathiĩte werekeire irathĩro mwena ũrĩa riũa rĩrathagĩra o nginya Gathu-heferi, ũgathiĩ Ethi-kazini, ũgacoka ũgathiĩ Rimoni, na wathiĩte o nginya Nea

Na mũhaka ũcio warigicũkĩte itũũra rĩu werekeire mwena wa rũgongo o nginya Hanathoni, na wathirĩire Mũkuru-inĩ wa Ifitaheli,

na Katathu, Nahalali, Shimuroni, Idala, na Bethilehemu—matũũra 12 na icagi ciamo

Rĩu nĩrĩo rĩarĩ igai rĩa njiarũa cia Zebuluni kũringana na mbarĩ ciao. Macio nĩmo maarĩ matũũra mao na icagi ciamo.

Mũtĩ wa kana ũkĩgwĩra Isakaru, harĩ njiarũa cia Isakaru kũringana na mbarĩ ciao

Mũhaka wao wathiĩte nginya Jezireeli, Kesulothu, Shunemu,

Hafaraimu, Shioni, Anaharathu,

Rabithu, Kishioni, Ebezu,

Remethu, Eni-ganimu, Eni-hada, na Bethi-pazezu

Na mũhaka ũcio wakinyĩte Taboru na Shahazuma na Bethi-shemeshi, na mũhaka wao wathirĩire Jorodani—matũũra 16 na icagi ciamo

Rĩu nĩrĩo rĩarĩ igai rĩa mũhĩrĩga wa Isakaru kũringana na mbarĩ ciao, matũũra mao na icagi ciamo.

Naguo mũtĩ wa gatano ũkĩgwĩra mũhĩrĩga wa Asheri kũringana na mbarĩ ciao

Mũhaka wao warĩ Helikathu, Hali, Beteni, Akishafu,

Alameleki, Amadi, na Mishali. Wathiĩte werekeire ithũĩro nginya Karimeli na nginya Shihoru-libinathu,

ningĩ ũgacoka thutha werekeire mwena wa irathĩro o nginya Bethi-dagoni na ũgakinya Zebuluni na Mũkuru wa Ifitaheli mwena wa rũgongo, nginya Bethi-emeku na Neieli, na wathiĩte ũgakinya Kabuli mwena wa ũmotho,

na ũgakinya Ebironi, Rehobu, Hamoni, na Kana o nginya Sidoni Ĩrĩa Nene

Ningĩ mũhaka ũcio ũgĩcoka thutha nginya Rama ũgĩthiĩ nginya itũũra rĩrĩa rĩrĩ na ũgitĩri rĩa Turo. Kuuma hau mũhaka ũcio wacokete nginya Hosa, ũgathirĩra iria-inĩ gĩcigo-inĩ kĩa Akizibu,

Uma, Afeku, na Rehobu—matũũra 22 na icagi ciamo

Rĩu nĩrĩo rĩarĩ igai rĩa mũhĩrĩga wa Asheri kũringana na mbarĩ ciao. Macio nĩmo maarĩ matũũra mao na icagi ciamo.

Mũtĩ wa gatandatũ ũkĩgwĩra njiarũa cia Nafitali, harĩ njiarũa cia Nafitali kũringana na mbarĩ ciao

Mũhaka wao woimĩte Helefu, kuuma mũtĩ-inĩ ũrĩa mũnene wa Zaananimu, na Adami-nekebu na Jabineeli o nginya Lakumu; na wathirĩire Jorodani

Mũhaka ũcio ũgĩcoka thutha werekeire ithũĩro ũgĩthiĩ Azinothu-taboru na ũkiuma kũu ũgĩthiĩ Hukoka na ũgĩkinya Zebuluni mwena wa mũhuro nginya Asheri mwena wa ithũĩro na nginya Yahuda hakuhĩ na Jorodani kwerekera mwena wa irathĩro

Na matũũra marĩa maarĩ na ũgitĩri maarĩ Zidimu, Zeri, Hamathu, Rakathu, Kinerethu,

Adama, Rama, Hazoru,

Kedeshi, Edirei, Eni-hazoru,

Ironi, Migidali-eli, Horemu, Bethi-anathu, na Bethi-shemeshi—matũũra 19 na icagi ciamo

Rĩu nĩrĩo rĩarĩ igai rĩa mũhĩrĩga wa Nafitali kũringana na mbarĩ ciao, matũũra mao na icagi ciamo.

Mũtĩ wa mũgwanja ũkĩgwĩra mũhĩrĩga wa Dani kũringana na mbarĩ ciao

Na mũhaka wa igai rĩao warĩ Zora, Eshitaoli, Iri-shemeshi,

Shaalabini, Aijaloni, Ithila,

Eloni, Timina, Ekironi,

Eliteke, Gibethoni, Baalathu,

Jehudu, Bene-beraka, Gathu-rimoni,

Me-jarikoni, na Rakoni, mũhaka ũcio ũng’etheire Jopa

No gĩcigo kĩa Dani kĩarĩ kĩnini harĩ o. Nĩ ũndũ ũcio makĩambata magĩtharĩkĩra itũũra rĩa Leshemu na makĩrĩtunyana na makĩrĩniina na rũhiũ rwa njora. Magĩcoka makĩrĩĩgwatĩra na magĩikara kuo, na magĩcenjia itũũra rĩu rĩa Leshemu rĩĩtwa makĩrĩĩta Dani, o ta ũrĩa Dani ithe wao wa tene eetagwo

Rĩu nĩrĩo rĩarĩ igai rĩa mũhĩrĩga wa Dani kũringana na mbarĩ ciao. Macio nĩmo maarĩ matũũra mao na icagi ciamo.

Magĩkĩrĩkia kũgayania bũrũri ũcio ũtuĩke igai kũringana na icigo ciaguo. Ciana cia Isiraeli igĩcoka ikĩhe Joshua mũrũ wa Nuni igai gatagatĩ-inĩ gacio

Na kũringana na uuge wa Yahweh, ikĩmũhe itũũra rĩrĩa eetirie, nĩrĩo Timinathu-sera, gĩcigo-inĩ kĩrĩa kĩrĩ irĩma kĩa Efiraimu, nake agĩaka itũũra na agĩikara kuo.

Rĩu nĩrĩo rĩarĩ igai rĩrĩa Eliazaru mũthĩnjĩri-Yahweh, Joshua mũrũ wa Nuni, na atongoria a nyũmba cia maithe ma mĩhĩrĩga ya Isiraeli maagayanirie na njĩra ya gũcuka mĩtĩ marĩ Shilo mbere ya Yahweh, mũromo-inĩ wa hema ya gũtũnganwo. Nĩ ũndũ ũcio makĩrĩkia kũgayania bũrũri ũcio.