Joshua 21

Na rĩrĩ, atongoria a nyũmba cia maithe ma Alawii magĩthiĩ kũrĩ Eliazaru mũthĩnjĩri-Yahweh, Joshua mũrũ wa Nuni, na atongoria a nyũmba cia maithe ma mĩhĩrĩga ya Isiraeli,

makĩaria nao marĩ kũu Shilo bũrũri-inĩ wa Kanaani, makiuga: “Yahweh aathanire kũgerera Musa akiuga atĩ tũheo matũũra ma gũikaraga, hamwe na kũndũ kwamo gwa kũrĩithia nĩ ũndũ wa mahiũ maitũ.”

Nĩ ũndũ ũcio, kũringana na uuge wa Yahweh, ciana cia Isiraeli ikĩhe Alawii matũũra maya na kũndũ kwamo gwa kũrĩithia kuuma harĩ igai rĩacio.

Mũtĩ ũgĩkĩgwĩra mbarĩ cia Akohathu, na Alawii arĩa maarĩ njiarũa cia Haruni mũthĩnjĩri-Yahweh makĩheo matũũra 13 na njĩra ya gũcuka mĩtĩ kuuma harĩ mũhĩrĩga wa Yahuda, mũhĩrĩga wa Simeoni, na mũhĩrĩga wa Benjamini.

Nao Akohathu acio angĩ makĩgaĩrũo matũũra ikũmi kuuma harĩ mbarĩ cia mũhĩrĩga wa Efiraimu, mũhĩrĩga wa Dani, na nuthu ya mũhĩrĩga wa Manase.

Nao Agerishoni makĩgaĩrũo matũũra 13 kuuma harĩ mbarĩ cia mũhĩrĩga wa Isakaru, mũhĩrĩga wa Asheri, mũhĩrĩga wa Nafitali, na nuthu ya mũhĩrĩga wa Manase thĩinĩ wa Bashani.

Amerari makĩgaĩrũo matũũra 12 kũringana na nyũmba ciao, kuuma harĩ mũhĩrĩga wa Rubeni, mũhĩrĩga wa Gadi, na mũhĩrĩga wa Zebuluni.

Ciana cia Isiraeli igĩkĩhe Alawii matũũra macio na kũndũ kwamo gwa kũrĩithia na njĩra ya gũcuka mĩtĩ, o ta ũrĩa Yahweh aathanĩte kũgerera Musa.

Kwoguo kuuma harĩ mũhĩrĩga wa Yahuda na mũhĩrĩga wa Simeoni, makĩheana matũũra maya magwetetwo haha na marĩĩtwa,

na makĩheanwo kũrĩ ariũ a Haruni a mbarĩ cia Akohathu cia Alawii, tondũ nĩo maagwĩrĩirũo nĩ mũtĩ wa mbere

Maamaheire Kiriathu-ariba (Ariba aarĩ ithe wa Anaki), na nokuo Hebironi, gĩcigo-inĩ kĩrĩa kĩrĩ irĩma kĩa Yahuda, na kũndũ gwa kũrĩithia kũrĩa gwagũthiũrũrũkĩirie

No mũgũnda wa itũũra na icagi ciarĩo makĩhe Kalebu mũrũ wa Jefune rĩtuĩke igai rĩake.

Na makĩhe ariũ a Haruni mũthĩnjĩri-Yahweh itũũra rĩa kũũrĩra nĩ ũndũ wa mũndũ ũũraganĩte, nĩrĩo Hebironi hamwe na kũndũ kwarĩo gwa kũrĩithia, o na Libina hamwe na kũndũ kwarĩo gwa kũrĩithia,

Jatiru hamwe na kũndũ kwarĩo gwa kũrĩithia, Eshitemoa hamwe na kũndũ kwarĩo gwa kũrĩithia,

Holoni hamwe na kũndũ kwarĩo gwa kũrĩithia, Debiri hamwe na kũndũ kwarĩo gwa kũrĩithia,

Aini hamwe na kũndũ kwarĩo gwa kũrĩithia, Juta hamwe na kũndũ kwarĩo gwa kũrĩithia, na Bethi-shemeshi hamwe na kũndũ kwarĩo gwa kũrĩithia—matũũra kenda kuuma harĩ mĩhĩrĩga ĩyo ĩĩrĩ.

Na kuuma harĩ mũhĩrĩga wa Benjamini: Gibeoni hamwe na kũndũ kwarĩo gwa kũrĩithia, Geba hamwe na kũndũ kwarĩo gwa kũrĩithia,

Anathothi hamwe na kũndũ kwarĩo gwa kũrĩithia, na Alimoni hamwe na kũndũ kwarĩo gwa kũrĩithia—matũũra mana.

Matũũra marĩa mothe maaheanirũo kũrĩ njiarũa cia Haruni, athĩnjĩri-Yahweh, maarĩ matũũra 13 hamwe na kũndũ kwamo gwa kũrĩithia.

Nacio mbarĩ icio ingĩ cia Akohathu gatagatĩ-inĩ ka Alawii ikĩheo matũũra na njĩra ya gũcuka mĩtĩ kuuma harĩ mũhĩrĩga wa Efiraimu

Makĩmahe itũũra rĩa kũũrĩra nĩ ũndũ wa mũndũ ũũraganĩte, nĩrĩo Shekemu hamwe na kũndũ kwarĩo gwa kũrĩithia gĩcigo-inĩ kĩrĩa kĩrĩ irĩma kĩa Efiraimu, Gezeri hamwe na kũndũ kwarĩo gwa kũrĩithia,

Kibizaimu hamwe na kũndũ kwarĩo gwa kũrĩithia, na Bethi-horoni hamwe na kũndũ kwarĩo gwa kũrĩithia—matũũra mana.

Na kuuma harĩ mũhĩrĩga wa Dani: Eliteke hamwe na kũndũ kwarĩo gwa kũrĩithia, Gibethoni hamwe na kũndũ kwarĩo gwa kũrĩithia,

Aijaloni hamwe na kũndũ kwarĩo gwa kũrĩithia, Gathu-rimoni hamwe na kũndũ kwarĩo gwa kũrĩithia—matũũra mana.

Na kuuma harĩ nuthu ya mũhĩrĩga wa Manase: Taanaka hamwe na kũndũ kwarĩo gwa kũrĩithia na Gathu-rimoni hamwe na kũndũ kwarĩo gwa kũrĩithia—matũũra merĩ.

Matũũra mothe hamwe na kũndũ kwamo gwa kũrĩithia marĩa mbarĩ icio ingĩ cia Akohathu ciaheirũo maarĩ ikũmi.

Nao Agerishoni a mbarĩ cia Alawii makĩheo itũũra rĩa kũũrĩra nĩ ũndũ wa mũndũ ũũraganĩte, kuuma harĩ nuthu ya mũhĩrĩga wa Manase, nĩrĩo Golani thĩinĩ wa Bashani, hamwe na kũndũ kwarĩo gwa kũrĩithia na Beeshitera hamwe na kũndũ kwarĩo gwa kũrĩithia—matũũra merĩ.

Na kuuma harĩ mũhĩrĩga wa Isakaru: Kishioni hamwe na kũndũ kwarĩo gwa kũrĩithia, Daberathu hamwe na kũndũ kwarĩo gwa kũrĩithia,

Jaramuthu hamwe na kũndũ kwarĩo gwa kũrĩithia, na Eni-ganimu hamwe na kũndũ kwarĩo gwa kũrĩithia—matũũra mana.

Na kuuma harĩ mũhĩrĩga wa Asheri: Mishali hamwe na kũndũ kwarĩo gwa kũrĩithia, Abidoni hamwe na kũndũ kwarĩo gwa kũrĩithia,

Helikathu hamwe na kũndũ kwarĩo gwa kũrĩithia, na Rehobu hamwe na kũndũ kwarĩo gwa kũrĩithia—matũũra mana.

Na kuuma harĩ mũhĩrĩga wa Nafitali: itũũra rĩa kũũrĩra nĩ ũndũ wa mũndũ ũũraganĩte, nĩrĩo Kedeshi thĩinĩ wa Galili hamwe na kũndũ kwarĩo gwa kũrĩithia, Hamothu-doru hamwe na kũndũ kwarĩo gwa kũrĩithia, na Karitani hamwe na kũndũ kwarĩo gwa kũrĩithia—matũũra matatũ.

Matũũra mothe ma Agerishoni kũringana na mbarĩ ciao maarĩ matũũra 13 na kũndũ kwamo gwa kũrĩithia.

Na mbarĩ cia Amerari, Alawii acio angĩ, makĩheo kuuma harĩ mũhĩrĩga wa Zebuluni: Jokineamu hamwe na kũndũ kwarĩo gwa kũrĩithia, Karita hamwe na kũndũ kwarĩo gwa kũrĩithia,

Dimuna hamwe na kũndũ kwarĩo gwa kũrĩithia, na Nahalali hamwe na kũndũ kwarĩo gwa kũrĩithia—matũũra mana.

Na kuuma harĩ mũhĩrĩga wa Rubeni: Bezeru hamwe na kũndũ kwarĩo gwa kũrĩithia, Jahazu hamwe na kũndũ kwarĩo gwa kũrĩithia,

Kedemothu hamwe na kũndũ kwarĩo gwa kũrĩithia, na Mefaathu hamwe na kũndũ kwarĩo gwa kũrĩithia—matũũra mana.

Na kuuma harĩ mũhĩrĩga wa Gadi: itũũra rĩa kũũrĩra nĩ ũndũ wa mũndũ ũũraganĩte, nĩrĩo Ramothu thĩinĩ wa Gileadi hamwe na kũndũ kwarĩo gwa kũrĩithia, Mahanaimu hamwe na kũndũ kwarĩo gwa kũrĩithia,

Heshiboni hamwe na kũndũ kwarĩo gwa kũrĩithia, na Jazeru hamwe na kũndũ kwarĩo gwa kũrĩithia—mothe maarĩ matũũra mana.

Matũũra mothe marĩa maagaĩirũo Amerari kũringana na mbarĩ ciao, nyũmba icio ingĩ cia Alawii, maarĩ matũũra 12.

Matũũra mothe ma Alawii thĩinĩ wa kũrĩa ciana cia Isiraeli ciegwatĩire maarĩ matũũra 48 hamwe na kũndũ kwamo gwa kũrĩithia

O itũũra harĩ matũũra macio rĩarĩ na kũndũ kwarĩo gwa kũrĩithia kũrĩthiũrũrũkĩirie—ũguo nĩguo matũũra macio mothe maatariĩ.

Yahweh agĩkĩhe Isiraeli bũrũri wothe ũrĩa eehĩtĩte kũhe maithe mao ma tene, na makĩwĩgwatĩra na magĩikara kuo

Makĩria ma ũguo, Yahweh akĩmahe ũhurũko mĩena yothe, o ta ũrĩa eehĩtĩte harĩ maithe mao ma tene, na gũtirĩ thũ yao o na ĩmwe yahotaga kũmetiiria. Yahweh aaneanire thũ ciao ciothe moko-inĩ mao

Gũtirĩ kĩĩranĩro o na kĩmwe harĩ ciĩranĩro ciothe njega iria Yahweh eerĩire nyũmba ya Isiraeli gĩtaahingire; ciahingire ciothe.