Mathayo 6
“Mwĩmenyererei mũtigekage ciĩko cianyu cia ũthingu mbere ya andũ nĩguo mamuone. Mũngĩĩka ũguo-rĩ, mũtirĩ kĩheo mũkaaheo nĩ Ithe wanyu ũrĩa ũrĩ igũrũ.
“Nĩ ũndũ ũcio, rĩrĩa ũkũheana kĩndũ kũrĩ arĩa abatari, ndũkae kwanĩrĩra ũrĩa ũreka na tũrumbeta, ta ũrĩa hinga ciĩkaga thunagogi-inĩ na njĩra-inĩ, nĩguo itĩĩagwo nĩ andũ. Ngũmwĩra atĩrĩ na ma, acio nĩ marĩkĩtie kwamũkĩra kĩheo kĩao gĩothe.
No hĩndĩ ĩrĩa ũkũheana kĩndũ kũrĩ arĩa abatari-rĩ, ndũkareke guoko gwaku kwa ũmotho kũmenye ũrĩa guoko gwaku kwa ũrĩo kũreka,
nĩgetha ũheani ũcio waku ũtuĩke wa hitho-inĩ. Nake Ithe wanyu, ũrĩa wonaga maũndũ marĩa mekagĩrwo hitho-inĩ, nĩ akamũhe kĩheo.
“Na rĩrĩa mũkũhoya-rĩ, mũtikanatuĩke ta hinga, nĩgũkorwo ciendaga kũhoya irũgamĩte thĩinĩ wa thunagogi na macemanĩrio ma njĩra nĩguo cionwo nĩ andũ. Ngũmwĩra atĩrĩ na ma, icio nĩ irĩkĩtie kwamũkĩra mũcara wacio wothe.
No hĩndĩ ĩrĩa ũkũhoya, toonya nyũmba yaku, ũhinge mũrango na ũhoye Thoguo ũrĩa ũtonekaga. Nake Thoguo ũrĩa wonaga maũndũ marĩa mekagĩrwo hitho-inĩ, nĩ agakũhe mũcara waku.
Na ningĩ hĩndĩ ĩrĩa mũkũhoya-rĩ, tigagai kũhũhũtĩka ta andũ arĩa matetĩkĩtie Yahweh, nĩgũkorwo meciiragia nĩ mekũiguwo nĩ ũndũ wa kũraihia mahoya.
Mũtigatuĩke tao, nĩgũkorwo Ithe wanyu nĩ oĩ kĩrĩa kĩmũbatairie o na mũtanamũhoya. 9“Nĩ ũndũ ũcio mwagĩrĩirwo nĩ kũhoyaga atĩrĩ: “ ‘Ithe witũ ũrĩ igũrũ, rĩĩtwa rĩaku nĩ rĩamũrwo,
no ngũmwĩra atĩrĩ, o na Solomoni arĩ na riri wake wothe ndagemete ta kĩmwe gĩacio. 30 Angĩkorwo ũguo nĩguo Yahweh ahumbaga nyeki ya gĩthaka ĩrĩa ĩrĩ ho ũmũthĩ na rũciũ ĩgaikio mwaki-inĩ-rĩ, githĩ inyuĩ ndarĩkĩmũhumbaga wega makĩria, inyuĩ mwĩtĩkĩtie o hanini? 31 Nĩ ũndũ ũcio-rĩ, tigagai gwĩtanga, mũkĩũria atĩrĩ: ‘Tũkũrĩa kĩ?’ kana ‘Tũkũnyua kĩ?’ kana ‘Tũkwĩhumba kĩ?’ 32 Nĩgũkorwo maũndũ maya mothe nĩmo macaragio nĩ andũ arĩa matetĩkĩtie Yahweh. No Ithe wanyu wa igũrũ nĩ oĩ atĩ nĩ mũbataragio nĩmo. 33 No ambai mũcarie ũthamaki wake na ũthingu wake, na maũndũ maya mangĩ mothe o namo nĩ arĩmũheaga. 34 Nĩ ũndũ ũcio tigagai gwĩtanga nĩ ũndũ wa rũciũ, nĩgũkorwo rũciũ nĩ rũgetangĩkĩra ruo rwene. O mũthenya ũrĩ na mathĩĩna maguo ma kũũigana.
ũthamaki waku nĩ ũũke, ũrĩa wendete Wee nĩ wĩkagwo gũkũ thĩ ta ũrĩa wĩkagwo kũu igũrũ.
Tũhe ũmũthĩ irio ciitũ cia gũtũigana
Na ũtũrekere mathirĩ maitũ, ta ũrĩa o na ithuĩ tũrekagĩra arĩa marĩ na mathirĩ maitũ.
Na ndũgatũtware magerio-inĩ, no ũtũhonokagie kuuma kũrĩ ũrĩa mũũru.’
Nĩgũkorwo mũngĩrekera andũ mahĩtia mao, o nake Ithe wanyu ũrĩa ũrĩ igũrũ nĩ arĩmũrekagĩra.
No mũngĩaga kũrekera andũ mahĩtia mao-rĩ, o nake Ithe wanyu ndarĩmũrekagĩra mahĩtia manyu.
“Ningĩ rĩrĩa mũkwĩhinga kũrĩa irio-rĩ, tigagai gũtukia mothiũ manyu ta ũrĩa hinga ciĩkaga, nĩgũkorwo nĩitukagia mothiũ macio nĩguo cionie andũ atĩ nĩ ciĩhingĩte kũrĩa irio. Ngũmwĩra atĩrĩ na ma, icio nĩ irĩkĩtie kwamũkĩra mũcara wacio wothe.
No rĩrĩa wĩhingĩte kũrĩa, wĩhakage maguta mũtwe na wĩthambage ũthiũ,
nĩguo andũ matikamenye atĩ nĩ wĩhingĩte kũrĩa, tiga o Thoguo ũrĩa ũtonekaga amenye; nake Thoguo ũrĩa wonaga maũndũ marĩa mekagĩrwo hitho-inĩ, nĩ agakũhe mũcara.
“Tigagai kwĩigĩra mĩthithũ gũkũ thĩ, kũrĩa indo irĩagwo nĩ memenyi na ikarota, na kũrĩa aici mabunjaga makaiya.
No mwĩigagĩrei mĩthithũ igũrũ, kũrĩa ĩtangĩrĩo nĩ memenyi kana ĩrote, na kũrĩa aici matangĩbunja maiye.
Nĩgũkorwo kũrĩa mĩthithũ yanyu ĩrĩ, nokuo ngoro cianyu o nacio irĩkoragwo irĩ.
“Riitho nĩrĩo tawa wa mwĩrĩ. Maitho maku mangĩkorwo marĩ mega, mwĩrĩ waku wothe nĩ ũrĩiyũragwo nĩ ũtheri.
No rĩrĩ, maitho maku mangĩkorwo nĩ mathũku, mwĩrĩ waku wothe ũrĩiyũragwo nĩ nduma. Naguo ũtheri ũrĩa ũrĩ thĩinĩ waku ũngĩkorwo nĩ nduma-rĩ, nduma ĩyo kaĩ nĩ nene-ĩ!
“Gũtirĩ mũndũ ũngĩhota gũtungatĩra aathani erĩ. Nĩ ũndũ no athũũrire ũmwe, na ende ũcio ũngĩ; kana eheane harĩ ũmwe, na anyarare ũcio ũngĩ. Mũtingĩtungatĩra Yahweh na mũtungatĩre mbeca.
“Nĩ ũndũ ũcio ngũmwĩra atĩrĩ, tigagai gũtangĩkĩra mĩoyo yanyu, nĩ ũndũ wa kĩrĩa mũrĩrĩaga kana kĩrĩa mũrĩnyuaga; kana kĩrĩa mũrĩhumbaga mĩĩrĩ yanyu. Githĩ muoyo ndũrĩ bata gũkĩra irio, naguo mwĩrĩ ũkagĩa bata gũkĩra nguo?
Ta rorai nyoni cia rĩera-inĩ; itihandaga, kana ikagetha, kana ikaiga magetha ikũmbĩ, no Ithe wanyu ũrĩa ũrĩ Igũrũ nĩ aciheaga irio. Githĩ inyuĩ mũtikĩrĩ a bata mũno gũkĩra icio?
Nũ wanyu ũngĩhota kuongerera muoyo wake ithaa o na rĩmwe nĩ ũndũ wa gwĩtanga?
“Na nĩ kĩĩ gĩtũmaga mwĩtange nĩ ũndũ wa nguo? Ta rorai itoka cia gĩthaka ũrĩa ikũraga. Itirutaga wĩra kana ikogotha ndigi,
no ngũmwĩra atĩrĩ, o na Solomoni arĩ na riri wake wothe ndagemete ta kĩmwe gĩacio.
Angĩkorwo ũguo nĩguo Yahweh ahumbaga nyeki ya gĩthaka ĩrĩa ĩrĩ ho ũmũthĩ na rũciũ ĩgaikio mwaki-inĩ-rĩ, githĩ inyuĩ ndarĩkĩmũhumbaga wega makĩria, inyuĩ mwĩtĩkĩtie o hanini?
Nĩ ũndũ ũcio-rĩ, tigagai gwĩtanga, mũkĩũria atĩrĩ: ‘Tũkũrĩa kĩ?’ kana ‘Tũkũnyua kĩ?’ kana ‘Tũkwĩhumba kĩ?’
Nĩgũkorwo maũndũ maya mothe nĩmo macaragio nĩ andũ arĩa matetĩkĩtie Yahweh. No Ithe wanyu wa igũrũ nĩ oĩ atĩ nĩ mũbataragio nĩmo.
No ambai mũcarie ũthamaki wake na ũthingu wake, na maũndũ maya mangĩ mothe o namo nĩ arĩmũheaga.
Nĩ ũndũ ũcio tigagai gwĩtanga nĩ ũndũ wa rũciũ, nĩgũkorwo rũciũ nĩ rũgetangĩkĩra ruo rwene. O mũthenya ũrĩ na mathĩĩna maguo ma kũũigana.