Thaburi 46

Kĩhoti nĩ rĩũrĩro ritũ na hinya witũ, Ũteithio wonekaga na ihenya hĩndĩ ya mĩtangĩko.

Nĩkĩo o na thĩ ĩngĩgarũrũka, ithuĩ tũtingĩtigĩra, O na irĩma ingĩgũa thĩinĩ wa iria kũrĩa kũriku,

O na maĩ ma rĩo mangĩruruma na marute mũhũyũ, O na irĩma ingĩthingitha nĩ ũndũ wa nditi yamo. (Sela)

Kũrĩ na rũũĩ rũrĩa tũrũũĩ twaruo tũtũmaga itũũra rĩa Kĩhoti rĩkene, Gĩikaro kĩrĩa kĩamũre na kĩrĩ riri kĩa Ũrĩa ũrĩ Igũrũ Mũno.

Kĩhoti arĩ thĩinĩ wa itũũra rĩu; rĩtingĩanangwo. Kĩhoti nĩ ekũrĩteithia o rũcinĩ gũgĩkĩa.

Ndũrĩrĩ ciarĩ na ngũĩ, namo mothamaki makĩng’aũranio; Akĩanĩrĩra na mũgambo mũnene, nayo thĩ ĩgĩtweka.

Yahweh mũnene wa ita arĩ hamwe na ithuĩ; Kĩhoti wa Jakubu nĩwe rĩũrĩro ritũ irũmu. (Sela)

Ũkai mwĩyonere ciĩko cia Yahweh, Ũrĩa ekĩte maũndũ ma kũgegania thĩinĩ wa thĩ.

Aniinaga mbaara kũndũ guothe thĩinĩ wa thĩ. Oinangaga ũta na agathũkangia itimũ; Acinaga ngaari cia mbaara na mwaki.

“Mwĩnyihiei na mũmenye atĩ niĩ nĩ niĩ Kĩhoti. Nĩ ngaatũũgĩrio gatagatĩ-inĩ ka ndũrĩrĩ; Nĩ ngaatũũgĩrio thĩinĩ wa thĩ.”

Yahweh mũnene wa ita arĩ hamwe na ithuĩ; Kĩhoti wa Jakubu nĩwe rĩũrĩro ritũ irũmu. (Sela)