Thaburi 47

Inyuĩ ikundi ciothe cia andũ, hũũrai hĩ. Anĩrĩrai nĩ ũndũ wa ũhootani kũrĩ Kĩhoti mũkiugagĩrĩria mũkenete.

Tondũ Yahweh, o we Ũrĩa ũrĩ Igũrũ Mũno nĩ wa gwĩtigĩrũo; Nĩwe Mũthamaki ũrĩa mũnene igũrũ rĩa thĩ yothe.

Nĩ atooragia ikundi cia andũ agaciga rungu rwitũ; Nĩ aigaga ndũrĩrĩ rungu rwa magũrũ maitũ.

Nĩ atũthuuragĩra igai, Igai rĩrĩa Jakubu erahagĩra, o ũcio endete. (Sela)

Kĩhoti nĩ ambatĩte o andũ makĩanagĩrĩra nĩ gũkena; Yahweh akambata kũrĩ na mũgambo wa coro.

Inĩrai Kĩhoti nyĩmbo cia kũmũgooca, mũine nyĩmbo cia kũgooca. Inĩrai Mũthamaki witũ nyĩmbo cia kũmũgooca, mũine nyĩmbo cia kũgooca.

Tondũ Kĩhoti nĩwe Mũthamaki wa thĩ yothe; Inai nyĩmbo cia kũmũgooca, na muonanie ũtaũku.

Kĩhoti nĩ atuĩkĩte wa gwatha athamaki a ndũrĩrĩ. Kĩhoti aikarĩire gĩtĩ gĩake kĩamũre kĩa ũnene.

Atongoria a ikundi cia andũ nĩ monganĩte Hamwe na andũ a Kĩhoti wa Iburahimu. Nĩ gũkorũo ngo cia thĩ nĩ cia Kĩhoti. We nĩ atũũgĩrĩtio mũno.