Thaburi 63

O wee Kĩhoti, wee nĩwe Kĩhoti wakwa, njikaraga ngũcũthĩrĩirie. Nĩ ngũnyoteire. Nĩ njũrĩtwo nĩ hinya nĩ ũndũ wa gũkwĩrirĩria Ndĩ thĩinĩ wa bũrũri mũũmũ na mũng’aru, bũrũri ũtarĩ maĩ.

Nĩ nguonete ũrĩ handũ harĩa hamũre; Nĩ nyonete hinya waku o na riri waku.

Tondũ ũtugi wa wendo waku nĩ mwega gũkĩra muoyo-rĩ, Mĩromo yakwa nĩ ĩrĩkũgoocaga.

Ngũtũũra ngũgoocaga matukũ mothe ma ũtũũro wakwa; Ndĩrĩambararagia moko makwa na igũrũ ngakaĩra rĩĩtwa rĩaku.

Nĩ njiganĩire na rwĩga rũrĩa rwega makĩria, Kwoguo kanua gakwa nĩ karĩkũgoocaga na mĩromo ĩrĩ na gĩkeno.

Nĩ ngũririkanaga rĩrĩa ndĩ ũrĩrĩ-inĩ wakwa; Ngecũrania ũhoro waku hĩndĩ ya matuanĩra ma ũtukũ.

Tondũ wee nĩwe mũndeithia, Na ngarũhia ngenete ndĩ kĩĩruru-inĩ kĩa mathagu maku.

Niĩ ndĩgwatanĩtie nawe; Nakuo guoko gwaku kwa ũrĩo gũgaikara kũnũmĩtie.

No arĩa mendaga kwananga muoyo wakwa Magaaikũrũka thĩinĩ wa thĩ kũndũ kũrĩa kũriku mũno.

Makaaniinwo na rũhiũ rwa njora; Magaatuĩka irio cia ngui cia gĩthaka.

Ĩndĩ mũthamaki nĩ agaakena nĩ ũndũ wa Kĩhoti. Mũndũ wothe wĩhĩtaga na rĩĩtwa rĩa Kĩhoti nĩ agaacanjamũka, Nĩ gũkorũo kanua ka arĩa maheenanagia nĩ gagaakirio.