Thaburi 70
1
Kĩhoti-ĩĩ, honokia; Hiũha ũũke ũndeithie, wee Yahweh.
2
Arĩa maracaria ũrĩa mekũnduta muoyo Maroigua thoni na maconorithio. Arĩa makenaga rĩrĩa ndĩ na thĩna Marocoka na thutha more maconokete.
3
Arĩa maroiga atĩrĩ: “Aha! Aha!” Marocokithio na thutha maconokete.
4
No arĩa magũcaragia-rĩ, Nĩ makene na macanjamũke nĩ ũndũ waku. Arĩa mendete ciĩko ciaku cia kũhonokania nĩ moigage ũũ hingo ciothe: “Kĩhoti arotũũgĩrio!”
5
No niĩ ndirĩ hinya na ndĩ mũthĩni; Ndeithia na ihenya wee Kĩhoti. Wee nĩwe mũteithia na mũhonokia wakwa; Wee Yahweh, ndũgaikare ũtokĩte.