Thaburi 76

Kĩhoti nĩ oĩkaine thĩinĩ wa Yahuda; Rĩĩtwa rĩake nĩ inene thĩinĩ wa Isiraeli.

Gĩthũnũ gĩake kĩrĩ Salemu, Na gĩikaro gĩake kĩrĩ Zayuni.

Kũu nĩkuo ooinangĩire mĩguĩ yaakanaga mwaki ya ũta, Akiunanga ngo na rũhiũ rwa njora na matharaita mangĩ ma mbaara. (Sela)

Wee nĩ ũcangararĩte mũno; Ũrĩ na riri gũkĩra irĩma cia nyamũ iria ihĩtagwo.

Andũ arĩa marĩ ũmĩrĩru wa ngoro nĩ matunyĩtwo indo ciao. Nĩ makomete toro; Njamba ciothe cia ita itiarĩ na hinya.

Nĩ ũndũ wa iherithia rĩaku wee Kĩhoti wa Jakubu, Mũtwarithia wa ngaari ya mbarathi nĩ akomete toro mũritũ o hamwe na mbarathi.

Wee wiki nowe wa gwĩtigĩrũo. Nũũ ũngĩhota gwĩtiiria marakara maku manene?

Wamenyithanirie ituĩro ũrĩ o igũrũ; Thĩ ĩgĩĩtigĩra na ĩgĩkira,

Rĩrĩa Kĩhoti aarahũkire ahingie ituĩro, Nĩguo ahonokie andũ arĩa othe ahooreri thĩinĩ wa thĩ. (Sela)

Tondũ marakara ma andũ magaatũma wee ũgoocwo; Na nĩ ũkeegemia na matigari ma marakara mao.

Mwĩhĩtei mĩĩhĩtwa kũrĩ Yahweh Kĩhoti wanyu na mũmĩhingie, Arĩa othe mamũthiũrũrũkĩirie nĩ makĩmũrehere kĩheo ũcio we wa gwĩtigĩrwo.

Nĩ ekũniina mwĩtĩo wa atongoria; Nĩ atũmaga athamaki a thĩ mainaine nĩ guoya.