Thaburi 81

Kũngũĩyĩrai Kĩhoti owe hinya witũ na rwĩmbo, Kenũkai mũgooce Kĩhoti wa Jakubu.

Ambĩrĩriai rwĩmbo na mũhũre kĩhembe, Muoe kĩnanda kĩa mũgeeto kĩrĩa kĩgambaga wega hamwe na kĩnanda kĩa ndigi.

Huuhai coro hĩndĩ ya karũgamo ka mweri, Rĩrĩa mweri waiganana , mũthenya wa gĩathĩ gitũ.

Tondũ nĩ watho waheirũo Isiraeli, Nĩ rĩathani rĩa Kĩhoti wa Jakubu.

Aarĩhandire rĩtuĩke kĩririkania harĩ Jusufu Rĩrĩa ooimagarire agĩũkĩrĩra bũrũri wa Misiri. Nĩ ndaiguire mũgambo itaamenyaga ũkiuga atĩrĩ:

“Nĩ ndeheririe mũrigo kĩande-inĩ gĩake; Moko make nĩ maatigithanirio na gĩkabũ.

Nĩ wakaire rĩrĩa warĩ na mĩtangĩko, na niĩ ngĩkũhonokia; Ndagwĩtĩkire ndĩ thĩinĩ wa marurumĩ. Nĩ ndakũgeririe rĩrĩa warĩ maĩ-inĩ ma Meriba. (Sela)

Iguai, inyuĩ andũ akwa, na nĩ ngũruta ũira wa kũmũũkĩrĩra. Na arĩ korũo no ũthikĩrĩrie, wee Isiraeli.

Thĩinĩ waku gũtirĩkoragwo na hoti ĩtoĩkaine, Na ndũrĩinamagĩrĩra El ng’eni.

Niĩ Yahweh nĩ niĩ Kĩhoti waku, Ũrĩa wakũrutire bũrũri wa Misiri. Athamia kanua gaku gothe, na nĩ ngũkaiyũria.

No andũ akwa matiathikĩrĩirie mũgambo wakwa; Isiraeli ndetĩkĩrire kũnjathĩkĩra.

Nĩ ũndũ ũcio ngĩreka marũmĩrĩre ngoro ciao nemi; Magĩka maũndũ marĩa moonaga magĩrĩire.

Na arĩ korũo andũ akwa no maathikĩrĩrie, Na arĩ korũo Isiraeli no arũmĩrĩre njĩra ciakwa!

No ndoorie thũ ciao na ihenya; Ingĩerekeria guoko gwakwa harĩ thũ ciao ndĩciũkĩrĩre.

Arĩa mathũire Yahweh mekũinaina nĩ ũndũ wa guoya marĩ mbere yake, Na iherithia rĩao rĩgũtũũra tene na tene.

No inyuĩ nĩ ekũmũhe ngano ĩrĩa njega biũ mũrĩe Na amũhũnie na ũũkĩ uumĩte rwaro-inĩ rwa ihiga.”