Thaburi 82
1
Kĩhoti nĩ arũgamĩte kĩgomano-inĩ kĩamũre; Aratuanĩra ciira arĩ gatagatĩ-inĩ ka El akoiga atĩrĩ:
2
“Nĩ nginya rĩ mũgũthiĩ na mbere gũtuanĩra ciira mũtekũrũmĩrĩra kĩhooto Na mũgakorũo na kĩmenyano kwerekera andũ arĩa aganu? (Sela)
3
Teterai arĩa matarĩ hinya na arĩa matarĩ maithe. Onaniai kĩhooto kwerekera arĩa matarĩ na wa kũmateithia na arĩa athĩni.
4
Honokiai arĩa matarĩ hinya na arĩa athĩni; Mũmahonokie kuuma guoko-inĩ kwa andũ arĩa aganu.”
5
Matiũĩ na matitaũkagĩrũo; Marorũra nduma-inĩ; Mĩthingi yothe ya thĩ nĩ ĩrenyenyio.
6
“Niĩ njugĩte atĩrĩ, ‘Inyuĩ mũrĩ Ihoti, Inyuothe mũrĩ ariũ a Ũrĩa ũrĩ Igũrũ Mũno
7
No mũgaakua o ta ũrĩa andũ makuaga; Na mũkaagũa o ta mũnene ũngĩ o wothe!’”
8
Arahũka, wee Kĩhoti, ũtuĩre thĩ ciira, Nĩ gũkorũo ndũrĩrĩ ciothe nĩ ciaku.