Thaburi 85

ĩĩni Yahweh, nĩ ũiguĩrĩire bũrũri waku tha; Nĩ ũcoketie andũ a Jakubu arĩa maatahĩtwo.

Nĩ ũrekeire andũ aku mahĩtia; Nĩ wamoheire mehia mao mothe. (Sela)

Nĩ wagirĩrĩirie mang’ũrĩ maku mothe; Ũgĩtigana na marakara maku mahiũ.

Tũcokererie, wee Kĩhoti wa ũhonokio witũ, Na ũtige gũtũrakarĩra.

Hihi ũgũtũũra ũtũrakarĩire tene na tene? Hihi ũgũikara ũrakarĩte nginya njiarũa na njiarũa?

Kaĩ ũtegũtwĩkĩra hinya rĩngĩ Nĩguo andũ aku makene nĩ ũndũ waku?

Tuonie ũtugi waku, wee Yahweh Na ũtũhe ũhonokio waku.

Nĩ ngũthikĩrĩria ũrĩa El Yahweh ekuuga, Nĩ gũkorũo ekwaria ciugo kũrĩ andũ ake, o acio ake amũre, No nao matigacokerere ũhoro wa kwĩĩhoka mũno.

Ti itherũ ũhonokio wake ũrĩ hakuhĩ na arĩa mamwĩtigĩrĩte, Nĩguo riri wake ũtũũre bũrũri-inĩ witũ.

Ũtugi na ũhoro wa ma igaacemania; Ũthingu na thayũ nĩ ikamumunyana.

Ũhoro wa wa nĩ ũgaathundũka kuuma thĩ, Naguo ũthingu ũrore thĩ kuuma igũrũ.

Yahweh nĩ akaaheana kĩndũ kĩrĩa kĩega, Naguo bũrũri witũ nĩ ũkaaruta maciaro maguo.

Ũthingu nĩ ũgaathiaga ũrĩ mbere yake Na ũthondeke gacĩra nĩ ũndũ wa makinya make.