Thama 11

Ningĩ Yahweh akĩra Musa ũũ: “Harĩ ihũũra rĩngĩ rĩmwe ngũrehera Firauni na bũrũri wa Misiri. Na thutha ũcio nĩ ekũmwĩtĩkĩria muume gũkũ mũthiĩ. Na amwĩtĩkĩria mũthiĩ, nĩ kũmũingata ekũmũingata

Rĩu ĩra andũ atĩ athuri o na atumia othe mahoe andũ arĩa mariganĩtie nao indo cia betha na cia thahabu.”

Nake Yahweh agĩtũma andũ a Isiraeli metĩkĩrĩke maitho-inĩ ma Amisiri. Makĩria ma ũguo, Musa nĩ aatĩĩkĩte mũno bũrũri-inĩ wa Misiri harĩ ndungata cia Firauni o na harĩ andũ acio angĩ.

Musa agĩcoka akĩra Firauni ũũ: “Yahweh aroiga atĩrĩ, ‘Kũrĩ ta ũtukũ gatagatĩ nĩ ngũhĩtũkĩra bũrũri wothe wa Misiri,

na marigithathi mothe ma bũrũri wa Misiri nĩ megũkua, kuuma irigithathi rĩa Firauni ũrĩa ũikarĩire gĩtĩ kĩa ũnene nginya irigithathi rĩa ngombo ya mũirĩtu ĩrĩa ĩrutaga wĩra gĩthĩi-inĩ, o na marigithathi mothe ma mahiũ mao

Bũrũri wothe wa Misiri nĩ gũkũgĩa na kĩrĩro kĩnene gĩtarĩ kĩaiguuo na gĩtagacoka kũiguuo rĩngĩ o rĩ

No gũtirĩ o na ngui ĩgũkũgĩra Aisiraeli kana ĩkũgĩre mahiũ mao, nĩguo mũmenye atĩ Yahweh no ahote gũtũma hagĩe ngũrani gatagatĩ-inĩ ka Amisiri na Aisiraeli.’

Nacio ndungata ciaku ciothe nĩ igũka kũrĩ niĩ, na iturumithie mĩtwe thĩ ikiugaga, ‘Thiĩ, o hamwe na andũ arĩa othe makũrũmagĩrĩra.’ Na thutha ũcio no gũthiĩ ngũthiĩ.” Arĩkia kuuga ũguo akiuma harĩ Firauni arakarĩte mũno.

Yahweh agĩcoka akĩra Musa atĩrĩ: “Firauni ndegũgũthikĩrĩria, nĩgetha ciama ciakwa ciongerereke bũrũri-inĩ wa Misiri.”

Musa na Haruni maaringire ciama icio ciothe mbere ya Firauni, no Yahweh agĩtĩkĩria Firauni omie ngoro, nake akĩrega gwĩtĩkĩria Aisiraeli moime bũrũri-inĩ wake.