Thimo 2

Mũrũ wakwa, ũngĩĩtĩkĩra uuge wakwa Na wĩigĩre maathani makwa ta arĩ mũthithũ,

Na njĩra ya gũtega gũtũ gwaku harĩ ũũgĩ wa ma, Na werekerie ngoro yaku harĩ ũhoti wa gũkũũrana maũndũ;

Ningĩ-rĩ, ũngĩtana nĩguo ũheo ũũgĩ wa gũkũũrana maũndũ-rĩ Na ũkĩongerere mũgambo waku kayũ nĩguo ũheo ũtauku-rĩ;

Wathiĩ na mbere kũũcaria ta ũrĩa betha ĩcaragio, Na ũikare ũkĩwethaga ta ũrĩa mĩthithũ mĩhithe yethagwo;

Hĩndĩ ĩyo nĩ ũgũtaũkĩrũo nĩ ũhoro wĩgiĩ gwĩtigĩra Yahweh, Na ũgĩe na ũmenyo wĩgiĩ Kĩhoti.

Tondũ Yahweh we mwene nĩ aheanaga ũũgĩ ũrĩa wa ma: Kanua-inĩ gake kuumaga ũmenyo na ũtaũku.

Nĩ aigagĩra arĩa arũngĩrĩru ũũgĩ ũrĩa mũkinyanĩru wa ma; We nĩ ngo ya arĩa mathiaga na mĩthiĩre ĩtarĩ ũcuke.

Nĩ agitagĩra ikĩro cia matua ma cira marũngĩrĩru, Na nĩ arangagĩra njĩra ya arĩa maiguaine nake.

Hĩndĩ ĩyo nĩ ũgĩtaũkĩrũo nĩ ũthingu na matua ma cira marĩa makinyanĩru, o na ũkũũranage maũndũ mothe marũngĩrĩru- Njĩra o yothe njega.

Hĩndĩ ĩyo ũũgĩ wa ma ũkũingĩre ngoro, Naguo roho waku ũiguithagio wega nĩ ũmenyo,

Ũgerereri-ri nĩguo ũrĩkũgitagĩra, Naguo ũtaũku ũgĩkũrangagĩre.

Naguo ũgũteithũrage kuuma njĩra-inĩ ya ũũru, Ũthenganagĩre na andũ arĩa maragia maũndũ ma ũũra thoni,

Arĩa mahutatagĩra njĩra iria nũngĩrĩru Nĩguo mageragĩre njĩra-inĩ cia nduma;

O acio makenagio nĩ kwagana-rĩ; Nĩo acio makenagio nĩ ũũru wa waganu, Na no-o arĩa makenagio nĩ ciĩko cia ũũra thoni wa waganu.

Arĩa njĩra ciao ikoragwo irĩ njogomu O acio ikĩro ciao ciothe ikoragwo ĩrĩ hĩtanu;

Nĩ ũrĩgũteithũraga kuuma kwĩ mũndũ mũka wa kwene, Kuumana na ciugo nyoroku cia mũndũ wa kũngĩ,

Ũrĩa ũtiganĩirie mũratawe ũrĩa matumire ndũgũ o e mũiritu, Na akariganĩrũo nĩ kĩrĩkanĩro gĩa Kĩhoti wake.

Nĩ gũkorũo nyũmba yake nĩ ĩrikĩire gĩkuũ-inĩ, Na njĩra ciake ithiaga kũrĩ arĩa magithĩtio hinya nĩ gĩkuũ.

Arĩa mamũceeragĩra gũtirĩ o na ũmwe ũgaacokaga kuma kuo, Na matikinyaga njĩra-inĩ cia muoyo-inĩ.

Kwoguo gerera njĩra ya andũ arĩa ega Na ũmenyagĩrĩre njĩra cia ũthingu.

Tondũ andũ arĩa arũngĩrĩru nĩ magaatũũra thĩinĩ wa thĩ, Na arĩa akinyanĩru kũna nĩo magaatigara kuo.

No andũ arĩa aganu, nĩ magatemwo mateo mehere thĩinĩ wa thĩ, Nao arĩa mĩgarũ mĩkunyanĩri nĩ kũmunyanio makamunyanio meherio thĩ.